-
-
-
-
काठमाडौं । मुम्बई ईण्डियन्सले ईण्डियन प्रिमियर लिग (आईपीएल) क्रिकेट प्रतियोगितामा आफ्नो तेस्रो जित हात पारेको छ। हैदरावादलाई ४० रनले पराजित गर्दै मुम्बईले आफ्नो लय समातेको छ। हैदरावादले ५ खेलमा तीनमा जित र २ पराजय भोगेको छ।
टस हारेर पहिले ब्यटिङ गरेको मुम्बईले निर्धारित २० ओभरमा ७ विकेटको नोक्सानीमा १ सय ३७ रन बनाएको थियो। मुम्बईका लगि केरोन पोलार्डले २४ बलमा ४६ रन बनाएका थिए। हैदरावादका सिद्धार्थ कौलले २ विकेट लिएका थिए।
मुम्बईको जितका नायक पहिलो खेल खेलिरहेका वेष्टईण्डिजका अलजारी जोशेफ रहे। उनले ४ ओभर बलिङ गर्दै १२ रन खर्चेर ६ विकेट लिएका थिए। उनको यो तथ्याङ्क आईपीएल ईतिहासको उच्चतम बलिङ फिगर हो।
हैदरावादका राम्रो फर्ममा रहेका प्रारम्भिक जोडी डेविड वार्नर र जोस बेयर्स्टोले ३३ रनको साझेदारी गरेका थिए। हैदरावादका लगि सार्वाधिक रन दिपक हुड्डाले बनाएका थिए। उनले २० रनको योगदान गरेका थिए। हैदरावाद ९६ रनमा समेटिएको थियो।
