- सुन चाँदी दर
- विनिमय दर
- नेपाली पात्रो
- राशिफल
काठमाडौं । यू–१९ एक दिवसीय विश्वकप क्रिकेट अन्तर्गत एसिया छनोटको अन्तिम तथा पाँचौं खेलमा नेपालले अहिले कुवेतसंग प्रतिस्पर्धा गरिरहेको छ । मलेसियामा भइरहेको प्रतियोगितामा नेपालले टस जितेर पहिले फिल्डिङ गरिरहेको छ ।
नेपालले सोचे अनुसारको बलिङ भने गर्न सकेन । २२ ओभर खेल्दा कुवेतले २ विकेटको नोक्सानीमा ८७ रन बनाएको छ ।
दुवै विकेट रसिद खानले लिएका छन् ।
अघिल्ला ४ खेलमा ३ जित र १ हार व्यहोरेको नेपालले अन्तिम खेलमा कुवेतसंग खेलिरहेको हो । नेपाल कुवेतलाई हराएर विश्वकपमा छनोट हुने सम्भावना जीवित राख्न चाहन्छ ।
दोस्रो स्थानको नेपालले ४ खेलबाट ६ अंक जोडेको छ । नेपाल शीर्ष स्थानको युएई भन्दा २ अंकले पछि रहेको छ । युएईको ८ अंक रहेको छ । कुवेतको पनि ६ अंक रहेको छ ।
तर, नेपालको विश्वकप यात्रा भने आफू अनुकुलको नतिजाले मात्र दिलाउने छ । युएई र ओमानबीचको खेलले ने निर्णय गर्नेछ । उक्त खेलमा ओमानले जित निकालेमा नेपाल विश्वकपमा छनोट हुनेछ ।