-
-
-
-
काठमाडौं । भारतमा भइरहेको आइपीएल टी–२० क्रिकेटमा दिल्ली क्यापिटल्सले फेरि पनि नेपाली ढुकढुकी सन्दीप लामिछानेलाई मैदानमा उतारेन । सुरुवाती दुई खेलमा खेल्न नपाएका सन्दीपले त्यसपछिका लगातार चार खेलमा खेले ।
त्यसपछिका तीन खेल सन्दीपले खेल्न पाएनन् । सन्दीपको तुलना रसिद खानसंग गरिएको थियो । रसिदभन्दा सन्दीप विकेट लिनमा अगाडि पनि थिए ।
तर उनलाई एकाएक ड्रप गरियो । उनले हरेक खेलमा विकेट लिएका थिए ।
हुनत उनीभन्दा धेरै अनुभवी खेलाडी रहेका छन् दिल्लीमा । तर यसरी राम्रो खेल्दाखेल्दै पनि ड्रप हुनुलाई भने अस्वभाविक मानिएको छ ।
कमेन्टेटरहरुले समेत प्रशंसा गरेर नथाक्ने नाम सन्दीप भए पनि अहिले उनीहरुले नै दिल्लीको ब्राण्डमा जोडिन पाउनुलाई नै ठूलो प्रतिष्ठाको विषय बनाएका छन् ।
इमर्जिङ खेलाडीको अग्रस्थानमा रहेका सन्दीपलाई कहिले दिल्लीले आफ्नो प्लेइङ ११ मा राख्ला भन्ने चासो बढेको छ ।
हरेक खेलमा विकेट लिने सन्दीपलाई ड्रप गर्दा घरेलु मैदानमै पराजित भएको दिल्ली व्यवस्थापनले पनि केही सोच्ला कि !
