- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश क्लब चेल्सी युरोपा लिग फुटबलको सेमिफाईनलमा प्रवेश गरेको छ । बिहीबार राति भएको क्वार्टरफाइनलको दोस्रो लेगको खेलमा चेल्सीले चेक क्लब स्लाभिया प्रागलाई ४–३ गोल अन्तरले हराउँदै अन्तिम चारमा पुगेको हो ।
पहिलो लेगमा १–० को जित निकालेको चेल्सीले समग्रमा ५–३ को नतिजा सहित अन्तिम ४ मा स्थान बनाएको हो ।
दोस्रो लेगमा स्टामफोर्ड ब्रिजको घरेलु मैदानमा चेल्सीलाई जिताउन पेड्रो रोड्रिग्वेजले २ गोल गरे ।
तर खेल भने निकै सनसनीपूर्ण भयो । पेड्रोले खेलको पाँचौं मिनेटमा अग्रता दिलाएका थिए । पाहुना टोलीका सिमोन डेलीले नवौं मिनेटमा आत्मघाति गोल गरेपछि चेल्सीले अग्रतालाई दोब्बर बनाउने मौका पाएको थियो ।
१७ औं मिनेटमा ओलिभर जिरुले गोल गर्दै चेल्सीलाई ३–० को स्थितिमा पुर्याएका थिए । स्लाभियाका कप्तान थोमस सोसेकले २५ औ मिनेटमा गोल गर्दै गोल अन्तरलाई घटाउने प्रयास गरे ।
सेड्रि सेबिसिकले लगातार दुई गर्दै पाहुना टोलीलाई खेलमा फर्काउने कोशिश गरे । तर सकेनन् ।
अन्य खेलको नतिजा
आर्सनलले ३–० को जितसहित नापोलीलाई हरायो । पहिलो लेगमा २–० को जित र दोस्रो लेगमा आर्सनल १–० ले हरायो
इन्ट्राच फ्रयांकफर्डले बेनेफिकालाई अवे गोलका आधारमा हरायो । घरेलु मैदानमा २–० को जित निकालेको फ्रयांकफर्डले पहिलो लेगमा बेनेफिकाको मैदानमा ४–२ को हार बेहोरेको थियो ।
भ्यालेन्सियाले भिल्लारियललाई समग्रमा ५–१ ले हरायो । पहिलो लेग ३–१ ले जितेको भ्यालेन्सियाले दोस्रो लेगमा २–० को जित निकालेको थियो ।
सेमिफाइनल भिडन्त
चेल्सीले फ्रयांकफर्डसंग खेल्नेछ । त्यसैगरी आर्सनलको भिडन्त भ्यालेन्सियासंग हुनेछ ।