-
-
-
-
काठमाडौं । पोर्चुगिच फुटबल स्टार क्रिस्टियानो रोनाल्डोले इतिहास रचेका छन् । उनले युरोपियन क्लब फुटबलमा तीन वटा शीर्ष लिगको उपाधि जित्ने कीर्तिमान रचेका हुन् ।
उनले इटालियन क्लब युभेन्ट्सलाई इटालियन सिरिएको उपाधि जिताएपछि यो कीर्तिमान रच्न सफल भएका हुन् । रोनाल्डोले यसअघि इंगलिश प्रिमियर लिग ( म्यान्चेस्टर युनाइटेडबाट) र स्पेनिश ला लिगा (रियाल मड्रिडबाट) को उपाधि जितेका थिए ।
युभेन्ट्सलाई कीर्तिमान अगातार आठौं उपाधि
शनिबार रातिको खेलमा फियोरेन्टिनालाई २–१ गोल अन्तरले पराजित गर्दै युभेन्ट्सले लगातार आठौं पटक लिगको उपाधि जितेको छ ।
घरेलु मैदानमा सुरुवाती अग्रता उल्टाएर युभेन्ट्सले जित निकालेको हो । युभेन्ट्सको जितमा एलेक्स सान्ड्रोले एक गोल गरे । युभेन्ट्सले एक आत्मघाती गोलको उपहार पाएको थियो ।
युभेन्ट्सले ५ खेलअघि नै उपाधि जितेको हो ।
