- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलको म्यानचेष्टर डर्बीमा सिटीले शानदार जित निकालेको छ । बुधबार राति म्यान्चेष्टर युनाइटेडको घरेलु मैदान ओल्डट्राफोर्डमा भएको खेलमा सिटी २–० गोल अन्तरले विजयी भएको हो ।
पहिलो हाफ गोलरहित बराबरीमा सकिएको खेलमा ५४ औं मिनेटमा बर्नार्डो शिल्भाले सिटीलाई अग्रता दिलाए ।
त्यसको १२ मिनेटपछि लरोए सानेले ६६ औं मिनेटमा गोल गर्दै सिटीको जित सुनिश्चित गरेका थिए ।
जितपछि सिटी ३५ खेलबाट ८९ अंकसहित अंक तालिकाको शीर्ष स्थानलाई मजबुद बनाएको छ । समान खेलबाट लिभरपुल ८८ अंकसहित तेस्रो स्थानमा छ ।
सिटीको यो जित नै उपाधिको लागि बाटो खोलिएको दावीसमेत गर्न थालिएको छ ।
३५ औं चरणको समाप्तिसम्म तेस्रो स्थानमा ७० अंकसहित टोटनह्याम हट्सपर रहेको छ । चौथो स्थानको चेल्सीको ६७, पाँचौं स्थानको आर्सनलको ६६ तथा छैटौं स्थानमा रहेको युनाइटेडको ६४ अंक छ ।