- सुन चाँदी दर
- विनिमय दर
- नेपाली पात्रो
- राशिफल
कोलम्बो । श्रीलंकामा गत आइतबार भएका शृंखलाबद्ध बम विस्फोटमा परी मृत्यु हुनेको संख्या घटाइएको छ । सरकारले मृतकको संख्या १०० भन्दा बढी घटाउँदै २५३ मात्र रहेको जनाएको छ ।
श्रीलंकाको स्वास्थ्य मन्त्रालयले विस्फोटमा परेर मृत्यु हुनेको संख्या गणनामा त्रुटि भएको जनाएको छ ।
राजधानी कोलम्बो र पूर्वी शहर बट्टीकालोआमा आत्मघाती हमलाकारीले होटल तथा चर्चलाई निशाना बनाएर आक्रमण गरेका थिए ।
विस्फोटमा सयौं मानिस घाइते भएको स्वास्थ्य मन्त्रालयलाई उधृत गर्दै बीबीसीले जनाएको छ ।
मारिनेहरु अघिकांश श्रीलंकाका नागरिक भए पनि दर्जनौं विदेशी नागरिकको समेत मृत्यु भएको छ ।
आइतबार बिहान, दिउँसो र अर्को दिन गरी श्रीलंकामा ९ वटा विस्फोट भएका थिए ।
प्रहरीले विष्फोटमा संलग्न रहेको आरोपमा ७० जनाभन्दा बढीलाई नियन्त्रणमा लिएकामा नौ जनाको फोटो सार्वजनिक गरेको छ ।
विस्फोटको जिम्मा विद्रोही आतंकवादी समूह इस्लामिक स्टेट आइएसले लिएको छ ।
सरकारले सुरक्षामा कमजोरी गरेको भन्दै सुरक्षा अधिकारीहरुलाई समेत बर्खास्त गरिसकेको छ ।
मुस्लिमहरुलाई त्रास
यो घटनाले श्रीलंकाका मुस्लिमहरुलाई आक्रमण हुने खतरा बढेको छ । उनीहरु त्रासबीच बसिरहेका छन् ।
न्युजिल्याण्डमा भएको आक्रमणको प्रतिकार स्वरुप श्रीलंकामा आक्रमण गरिएको भन्ने आतंकवादी भनाइपछि श्रीलंकन मुस्लिमहरुमाथि पनि आक्रमणको चिन्ता बढेको हो ।
यो घटनापछि श्रीलंकामा भएका क्याथोलिक चर्चहरुमा सबै सेवा बन्द गरिएको छ ।