arrow

एसीसी यू–१६ क्रिकेटको उपाधि नेपाललाई

logo
प्रकाशित २०७६ वैशाख १५ आइतबार
u-16.png

काठमाडौँ । नेपालले एसीसी यू–१६ पूर्वी क्षेत्रीय क्रिकेट प्रतियोगिताको उपाधि जितेको छ । आइतबार भएको फाइनल खेलमा पालले मेलेसियालाई ५९ रनले हराउँदै नेपाल विजेता बनेको हो ।
 
टस जितेर ब्याटिङ गरेको नेपालले निर्धारित ३५ ओभरमा नौ विकेटको क्षतिमा एक सय ४० रन बनायो । एक सय ४१ रनको विजय लक्ष्य पछ्याएको मलेसियाले ३४ दशमलव ५ ओभरमा मात्र ८१ रन बनायो ।

ब्याटिङतर्फ नेपालका प्रशान्त महतले ४०, दिपक बोहराले २३, विशालविक्रम केसीले २३ र निखिलकुमार सिंहले १३ रन बनाए । बलिङतर्फ मलेसियाका सचिनु हेटीजले तीन र जिनेन्द्र मुरलेले दुई विकेट लिए ।
 
यस्तै मलेसियाका लागि ब्याटिङ गर्दै मोहमद हजिक एैमानले १८, मोहमद आजमले १६ तथा जिनेन्द्र मुरलेले १४ रन बनाए । बलिङतर्फ नेपालका लागि विशालकुमार पटेलले चार, दिपक बोहराले तीन तथा निखिलकुमार सिंह र कृश कार्कीले एक-एक विकेट लिए ।



लोकप्रिय समाचार
लोकप्रिय समाचार
नयाँ