कांग्रेस बरियता : एक नम्बरमा शेरबहादुर, १३ नम्बरमा खुमबहादुर (सूचीसहित)
प्रकाशित २०७२ चैत ५ शुक्रबार
21.8k
Shares
काठमाडौं । नेपाली कांग्रेसको १३औं महाधिवेशनबाट निर्वाचित कार्यसमिति पहिलो बैठकले पार्टीको पदीय संरचनाको बरियता सार्वजनिक गरेको छ । शुक्रबार पार्टी केन्द्रीय कार्यालयमा बसेको पहिलो बैठकले बरियताक्रम सार्वजनिक गरेको हो । बरियता अनुसार पार्टी सभापति शेरबहादुर देउवापछि दोस्रोमा रामचन्द्र पौडेललाई बरिष्ठ नेता बनाइएको छ ।
तेस्रो बरियताको उप–सभापतिको टुंगो लागिसकेको छैन । चौथोमा निर्वाचित महामन्त्री डा. सशांक कोइराला तथा पाँचौ नम्बरमा मनोनित महामन्त्रीका भनिएको छ । जसको समेत टुंगो लाग्न लाग्न बाँकी छ । छैठौमा निर्वाचित कोषाध्यक्ष सीतादेवी यादव, सातौंमा मनोनित सह–महामन्त्री टुंगो लाग्न बाँकी छ । यसैगरी आठौंमा प्रकाशमान सिंह, नवौंमा कृष्णप्रसाद सिटौला, दशाैँमा गोपालमान श्रेष्ठ, ११औं नम्बरमा विमनेन्द्र निधि, १२औंमा कुलबहादुर (केबी) गुरूङ र १३औं नम्बरमा खुमबहादुर खड्कालाई राखेको छ । यद्यपि, दशौं नम्बर देखिका नेताहरु तेस्रो बरियताको उपसभापति र पाँचौ नम्बरको महामन्त्रीको दौडमा छन् ।
१३औं नम्बरमा रहेका खुमबहादुर तेस्रो बरियताको उपसभापति बन्ने पक्का पक्की रहेको उनी निकट नेताहरुको जिकिर छ । यद्यपि, देउवा पक्षधर केही नेताहरुले खुमबहादुरलाई कार्यकारी भूमिकामा ल्याउन नहुने सुझाव दिएका छन् । विमलेन्द्र नीधि र खुमबहादुर उपसभापतिका लागि लागेपछी महामन्त्रीमा नयाँ अनुहारको बहस हुन थालेको छ । बालकृष्ण खाँण र पूर्व सहमहामन्त्री पूर्णबहादुर खड्कासहितको चर्चा महामन्त्रीमा छ ।
