- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश फुटबल जायन्ट रियाल मड्रिड एकाएक खस्किएको छ । यो सिजनमा राम्रो खेल्न नसकेको रियाललाई उद्दार गर्न पूर्व प्रशिक्षक एवं पूर्व खेलाडी जिनेदिन जिदान आए पनि लयमा पुर्याउन सकेका छैनन् ।
आइतबार रातिको खेलमा मड्रिड रायो भायेकानोसंग उसको मैदानमा १–० गोल अन्तरले पराजित भयो ।
रेलिगेशन क्षेत्रमा रहेको टिमले पराजित गरेपछि मड्रिड मर्माहित भएको छ । जिसस भालेजोले जाभी गुएरालाई लडाएपछि पाएको पेनाल्टीलाई सदुपयोग गर्दै एड्रियन इम्बार्वाले गोल गरेका थिए ।
मड्रिड जिदान प्रशिक्षक बनेर फर्केपछि चौथो अवे खेलमा पराजित भएको छ । कमजोर खेलेको मड्रिड च्याम्पियन बनिसकेको बार्सिलोना भन्दा १८ अंकले पछि छ ।
आइतबार रातिका अन्य खेल
भ्यालेन्सिया ०–१ आइबर
गिरोना १–० सेभिया
रियाल सोसिडाड २–१ गेटाफे
भिल्लारियल १–१ हुएस्का
अंक तालिका
३५ औं चरणको समाप्तिसम्म बार्सिलोना ८३ अंकसहित शीर्ष स्थानमा छ । दोस्रो स्थानको एथलेटिको मड्रिडको ७४ अंक छ । तेस्रो स्थानको रियाल मड्रिडको ६५ अंक छ । चौथो स्थानको गेटाफेको ५५, पाँचौं स्थानको सेभियाको ५५ र छैटौं स्थानको भ्यालेन्सियाको ५२ अंक छ ।
रियाल भल्लाडोलिड, रायो भायकानो र हुएस्का रेलिगेशन क्षेत्रमा छन् ।