चौथो चरणको मतदान जारी, भाजपा अगाडि, मैदानमा यस्ता छन् खेलाडी
प्रकाशित २०७६ वैशाख १६ सोमबार
146
Shares
काठमाडौं । भारतमा भइरहेको लोकसभा निर्वाचनको चौथो चरणको मतदान सोमबार भइरहेको छ ।
सोमबारको मतदान ७१ सिटका लागि भइरहेको हो । यो चरणमा १२ करोड ७९ लाख मतदाता रहेका छन् ।
९४३ जना उम्मेदवार खडा भएका छन् । भारतीय संचारमाध्यमहरुका अनुसार उम्मेदवारहरु विचित्रका छन् ।
यीमध्ये ३३ प्रतिशत करोडपति छन् । त्यतिमात्र हैन २३ प्रतिशत उम्मेदवार आपराधिक मामिलामा उजुरी खेपेकाहरु छन् ।
७१ सिट कहाँ ?
महाराष्ट्रमा १७ सिट
राजस्थानमा १३ सिट
उत्तरप्रदेशमा १३ सिट
पश्चिम बंगालमा ८ सिट
मध्यप्रदेशमा ६ सिट
ओडिशामा ६ सिट
बिहारमा ५ सिट
झारखण्डमा ३ सिट
जम्मू–कश्मीरमा १ सिट
भाजपा अगाडि
यसपटक पनि चौथो चरणको मतदान भएको क्षेत्रमा भाजपाले बाजी मार्ने विश्लेषण गरिएको छ ।
सन् २०१४ को निर्वाचनमा भाजपाले ४५ सिट जितेको थियो । प्रमुख प्रतिपक्षी काँग्रेस आई २ सिटमा समेटिएको थियो ।
शिवसेनाले ९ तथा बीजद र तृणमूलले ६–६, लोजपा २ तथा सपा र पीडीपले १–१ सिट जितेको थियो ।
