-
-
-
-
काठमाडौं । चेक रिपब्लिकका फुटबल स्ट्राइकर जोसेफ सुरालको बस दुर्घटनामा परी मृत्यु भएको छ ।
टर्कीको केस्रीमा खेल खेलेर फर्कदै गर्दा सुराल रहेको निजी मिनिबस दुर्घटनामा परेको थियो ।
दुर्घटनामा गम्भीर घाइते भएका सुरालको अस्पतालमा उपचारका क्रममा मृत्यु भएको हो ।
सात खेलाडी रहेको उक्त मिनिबस दुर्घटनामा सुरालको ज्यान जाँदा अन्यको अवस्था सामान्य रहेको बताइएको छ । सुराल टर्किस क्लब आएत्मिज एलानयस्पोरबाट खेल्दै आएका थिए ।
उक्त मिनिबसमा लिभरपुलका पूर्व डिफेन्डर स्टेभन क्लकर पनि रहेका थिए । क्लबका अध्यक्षले चालक निदाएका कारण दुर्घटना भएको बताएका छन् ।
