रफ्तारमा उत्तरपश्चिम जाँदैछ फानी, ८ को मृत्यु १६० घाइते
प्रकाशित २०७६ वैशाख २१ शनिबार
598
Shares
काठमाडौं । भारतमा आएको फानी चक्रवात शनिबार बिहान पश्चिम बंगाल पुगेको छ । भारतीय मौसम विभागका अनुसार फानी बंगालको खड्गपुर पार गरिसकेको छ ।
यसको रफ्तार ९० किलोमिटर प्रतिघण्टा रहेको छ । यो उत्तरपश्चिम दिशातिर अगाडि बढिरहेको आशंका गरिरहेको छ ।
यो चक्रवातले शुक्रबार ओडिशामा ८ जनाको मृत्यु भएको थियो भने १६० भन्दा बढी घाइते भएका छन् ।
गृहमन्त्रालयले पठाएको रिपोर्टअनुसार ओडिशाको चार जिल्ला कटक, खुर्दा, भुवनेश्वर र पुरी बढी प्रभावित भएका छन् ।
यसले भौतिक सम्पत्ति धेरै नै नोक्सान गरेको छ । तटीय क्षेत्रमा नोक्सानीको यकिन विवरण नै आउन सकेको छैन ।
अब भारतबाट फानी बंगलादेशतिर गइरहेको छ । बंगलादेशमा पनि सचेत गराइसकिएको छ । बंगलादेशमा २५ लाख मानिसलाई सुरक्षित स्थानमा सारिँदैछ । चार लाखलाई सारिसकिएको छ ।
फानीका कारण नेपालमा पनि हावाहुरीसहितको वर्षा भएको छ ।
