- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश एफए कप फुटबलको उपाधि प्रिमियर लिग च्याम्पियन म्यानचेस्टर सिटीले जितेको छ ।
शनिबार राति भएको फाइनलमा वाट्फोर्डलाई ६–० गोलको विशाल अन्तरले पराजित गर्दै सिटीले उपाधि जितेको हो ।
वेम्बलीमा भएको खेलमा सिटीलाई उपाधि दिलाउन रहिम स्ट्रर्लिङले ह्याट्रिक गरे । स्ट्रलिङले ३८ औं, ८१ र ८७ औं मिनेटमा गोल गर्दै ह्याट्रिक पूरा गरेका हुन् ।
स्ट्रर्लिङ सन् १९५३ पछि एफएको फाइनलमा ह्याट्रिक गर्ने पहिलो खेलाडी समेत बनेका छन् ।
त्यसैगरी एकतर्फी खेलमा सिटीलाई जिताउन डेभिड सिल्भा, ग्राबियल जिसस र केभिन डी ब्रुएनले १–१ गोल गरे ।
यो जितपछि सिटी फाइनलमा फराकिलो जित निकाल्ने पहिलो क्लब समेत बनेको छ ।
योसंगै सिटीले एकै सिजन तीन घरेलु उपाधि जित्दै कीर्तिमान समेत बनाउन सफल भएको छ । सिटी एकै सिजन इंग्ल्यान्डको ३ घरेलु उपाधि जित्ने पहिलो क्लब बनेको छ ।
प्रिमियर लिग च्याम्पियन सिटीले काराबाओ कपको उपाधि समेत जितेको थियो ।