-
-
-
-
काठमाडौं । अर्जेन्टाइन खेलाडी लियोनल मेस्सीले छैटौं पटक पिचिची अवार्ड जितेका छन् । स्पेनिश क्लब बार्सिलोनाका कप्तान मेस्सीले स्पेनिश ला लिगामा यस सिजन सर्वाधिक गोलकर्ता बन्दै पिचिची अवार्ड जितेका हुन् ।
यस सिजनमा मेस्सीले ला लिगामा ३६ गोल गरे । उनले आइतबार राति भएको सिजनको अन्तिम खेलमा आइबरविरुद्ध दुई गोल गरेका थिए । योसंगै मेस्सीले यस सिजन सबैखाले प्रतियोगितामा ५० औं गोलसमेत पूरा गरे ।
मेस्सीले एट्लेटिको मड्रिडका लिजेण्ड टेल्मो जाराले ६६ वर्षअगाडि बनाएको कीर्तिमान बराबरी गरेका हुन् । जाराले पनि ६ पटक यो उपाधि जितेका थिए ।
यसपटक मेस्सीले आफ्नै टिमका लुइस स्वारेज र रियाल मड्रिडका करिम बेन्जिमालाई पछि पारे ।
