- सुन चाँदी दर
- विनिमय दर
- नेपाली पात्रो
- राशिफल
काठमाडौं । डोनाल्ड ट्रम्पले अमेरिकासँगको युद्धले इरानको आधिकारिक अन्त्य हुने चेतावनी दिएका छन् । उनले अमेरिकासँग दोस्रोपटक चेतावनी दिने भूल नगर्न पनि सुझाएका छन् ।
सामाजिक सञ्जाल ट्वीटरमार्फत् उनले इरानलाई यस्तो चेतावनी दिएका हुन् । इराकको अमेरिकी दूतावासनजिकै भएको मिसाइल आक्रमणपछि ट्रम्पको यस्तो भनाइ आएको हो ।
पछिल्लो केही समययता अमेरिका इरानकोबीचमा तनाव बढेको छ । अमेरिकाले मध्यपूर्वमा बमसहितको विमान वाहक पठाएसँगै दुई मुलुकको तनाव बढेको हो । यसअघि अमेरिकाले इराकबाट अनावश्यक रहेका कर्मचारीलाई पनि फिर्ता बोलाउने निर्णय गरेको थियो ।
यद्यपि ट्रम्पले इरानसँग वार्ता भएर यो तनाव समाधान हुने विश्वास व्यक्त गरेका छन् । उनले इरानले अमेरिकासँग युद्ध नगर्ने आशा रहेको बताएका छन् । इरानले पनि अमेरिकाको प्रतिबन्धको विरुद्धमा नझुक्ने बताउँदै आएको छ ।
उसले अमेरिकाको प्रतिबन्धको डटेर सामना गर्ने बताएको छ । गत वर्ष अमेरिकाले सन् २०१५ मा भएको न्युक्लियर सम्झौताबाट बाहिरिँदै इरानमाथि प्रतिबन्धको निर्णय गरेको थियो । त्यसयता इरान र अमेरिकाबीचको सम्बन्ध चिसिएको हो । साथै अमेरिकाले इरानी तेल खरिदको लागि दिएको छूटको म्याद पनि सकिएको छ ।