arrow

को को छानिए राष्ट्रिय पुरुष फुटबल टोलीमा ? 

logo
प्रकाशित २०७६ जेठ ७ मंगलबार
_MG_9510.jpg

काठमाडौँ । मलेशिया र चाइनिज ताइपेविरुद्धको दुई अन्तर्राष्ट्रिय मैत्रीपूर्ण खेलका लागि सोमबार नेपाली राष्ट्रिय पुरुष फुटबल टोलीको घोषणा गरिएको छ ।     
     
नेपाली राष्ट्रिय टोलीका मुख्य प्रशिक्षक योहान कालिनले विराज महर्जनको कप्तानीमा २३ सदस्सीय नेपाली टोलीको घोषणा गरेका हुन् । 

नेपालले आगामी जुन २ मा मलेशियासँग र जुन ६ मा चाइनिज ताईपेइसँग खेल्दैछ । फरवार्ड विमल घर्तीमगर र भरत खवास टोलीमा परेनन् ।

फिटनेसमा कमजोर भएका कारण विमल टोलीमा अटाएनन् भने भरत चोटका कारण समावेश नभएका हुन् । त्यस्तै मिडफिल्डर हेमन गुरुङ, डिफेन्डर कमल श्रेष्ठ र दिनेश राजवंशी पनि टोलीमा परेनन् ।     
     
 नेपाली टोलीमा युवा खेलाडी अभिषेक रिजालले पहिलो पटक स्थान बनाए । छनोट हुने अन्य खेलाडीमा गोलकिपर किरणकुमार लिम्बु, विकेश कुथु र एलेन न्यौपाने छन् ।

डिफेन्डर विराज महर्जन, अनन्त तामाङ, सरोज दाहाल, रजिन धिमाल, सुमन अर्याल, देवेन्द्र तामाङ, अजित भण्डारी र रवि सिलवाल छन् भने मिडफिल्डरमा रोहित चन्द, बिक्रम लामा, सन्तोष तामाङ, सुमन बल, रवि पासवान, सुजल श्रेष्ठ, बिमल राना र विशाल राई छन् । 

त्यस्तै फरवार्डमा अभिषेक रिजाल, अन्जन विष्ट, तेज तामाङ र नवयुग श्रेष्ठ छन् ।     
 



लोकप्रिय समाचार
लोकप्रिय समाचार
नयाँ