-
-
-
-
काठमाडौं । भारतको लोकसभा चुनावको इतिहासमा पहिलो पटक सबैभन्दा बढी मतदान भएको छ । गत अप्रिल ११ देखि मे १९ तारिखसम्म भएको मतदानमा ६७.११ प्रतिशत मत खसेको हो ।
यो प्रतिशत ६७ वर्षको लोकसभा चुनावको इतिहासमा बसैभन्दा बढी हो ।
सन् २०१९मा ७ चरणमा भएको मतदानमा ९१ करोड मतदाता रहेका थिए । सन् २०१४ मा ६६.४० प्रतिशत मत खसेको थियो । जहाँ ८३.४ करोड मतदाताको नाम रजिष्टर्ड भएको थियो ।
त्यस्तै २००९ मा ५६.९ प्रतिशत मतदान भएको थियो । सन् १९५१ देखि सुरु भएको मतदानमा अहिलेसम्म सन् १९७१ मा सबैभन्दा कम ५५.२९ प्रतिशत मत खसेको थियो ।
अहिलेको मतदानले मोदीलाई नै प्रधानमन्त्री बनाउने प्रक्षेपण गरिएको छ । विभिन्न एजेन्सी र संस्थाले गरेको एक्जिट पोलअनुसार मोदीको पार्टी भाजपाको गठबन्धनलाई बहुमत प्राप्त हुनेछ ।
यसको नतिजा भने बिहीबार आउने छ । बिहीबार मतगणना हुनेछ ।
