काठमाडौं। भारतीय अभिनेत्री उर्मिला मातोन्डकर पराजयको संघारमा पुगेकी छन् । कांग्रेस आइकातर्फबाट चुनाव लडेकी उर्मिलाले समाचार तयार पार्दासम्म १ लाख ७६ हजार भोट ल्याएकी छन् भने उनका प्रतिस्पर्धा भारतीय जनता पार्टीका नेता गोपाल शेट्टिले ५ लाख ३८ हजार ल्याएका छन् ।
बिहीबार जारी मत गणना अनुसार मतदानको कुल मत मध्ये शेट्टिले ७२.२ प्रतिशत पाएका छन् । उर्मिलाले २३.७ प्रतिशत पाएकी छन् । बलिउडकी रंगिला गर्ल उर्मिला लोकसभा चुनावमा उर्मिला उत्तरी मुम्बईबाट उम्मेदवार बनेकी हुन् ।
मातोन्डकरको प्रतिस्पर्धा सोहि क्षेत्रबाट जितेका भाजपा सांसद गोपाल शेट्टीसँग भएको हो । शेट्टीले २०१४ मा मोदी लहरका कारण सो सीटमा संजय निरूपमलाई हराएका थिए ।
अघिल्लो चुनावमा सो क्षेत्रमा कांग्रेसका संजय निरूपम चुनावी मैदानमा उत्रिएका थिए । निरूपमले भाजपाका सांसद गोपाल शेट्टीसँग भारी मतान्तरले हारेका थिए ।
उर्मिला केटाकेटीदेखि नै महात्मा गान्धी, पण्डित जवाहर लाल नेहरू र सरदार वल्लभ भाई पटेलको विचारोले प्रभावित गरेको भन्दै कांग्रेसमा प्रवेश गरेकी थिइन् । साथै उर्मिला बाकी जीवन राजनीतिमै रहने बताएकी छन्।
