विश्वकप वार्मअपमा न्यूजिल्याण्ड सामु भारत निरीह

प्रकाशित मिति : २०७६ जेठ १२ आइतबार
तस्वीर – एजेन्सी

काठमाडौं । इंगल्याण्डमा बिहीबारदेखि हुन गइरहेको विश्वकप एक दिवसीय क्रिकेटको वार्मअपमा भारतले खराव खेलेको छ । 

शनिबार भएको खेलमा भारतले न्यूजिल्याण्ड सामु निरीहता प्रदर्शन गरेको हो । भारत ६ विकेटले पराजित भयो । 

लण्डनमा भएको खेलमा कोही पनि ब्याट्सम्यान चल्न सकेनन् । ३९.२ ओभरमा अलआउट भयो । निकै कमजोर खेलेको भारतले १७९ रन मात्रै बनाउन सक्यो । 

कुनै पनि ब्याट्सम्यान नटिकेको खेलमा रविन्द्र जडेजाले सबैभन्दा बढी ५० बलमा ५४ रन बनाए । हार्दिक पाण्डेयाले ३० रन बनाए । 

कप्तान विराट कोहलीले १८ रन बनाए भने महेन्द्र सिंह धोनीले १७ रन बनाए । 

ट्रेन्ट बोल्टले ४ तथा जेम्स नीशमले ३ विकेट लिए । 

जवाफमा न्यूजिल्याण्डले ३७.१ ओभरमा ४ विकेटको नोक्सानीमा बाजी मार्यो । रोस टेलरले ७१ रन बनाए । कप्तान केन विलियमसेनले ६७ रन बनाए । 

Ross Taylor put on 114 for the third wicket to take the game away from India on Saturday

ब्याटिङ फ्लप गरेको भारतको बलिङ पनि फ्लप भयो । जसप्रित बुमराह, हार्दिक पाण्डेया, युजभेन्द्र चाहाल र रविन्द्र जडेजाले १–१ विकेट लिए ।

भारत विश्वकप ल्याउने मनसायले इंगल्याण्ड पुगे पनि वार्मअपले भने त्यसको थोरैसम्म पनि सम्भावना देखाएको छैन । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ