- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वकप एक दिवसीय क्रिकेटको १२ औं संस्करण बिहीबारदेखि सुरु हुँदैछ । लण्डनस्थित दि ओभलमा दिउँसो एक भव्य कार्यक्रमका बीच प्रतियोगिताको औपचारिक उद्घाटन हुँदैछ ।
उद्घाटन खेलमा आयोजक इंग्ल्याण्ड र दक्षिण अफ्रिका भिड्दै छन् । खेल दिउँसो ३ः१५ बजे सुरु हुँदैछ ।
एक दिवसीय वरियतामा इंगल्याण्ड शीर्ष स्थानमा छ भने दक्षिण अफ्रिका तेस्रो स्थानमा छ । दुवै बीचको खेल रोमाञ्चक हुने अपेक्षा गरिएको छ । दुवै टिमले अहिलेसम्म विश्वकप उचालेका छैनन् ।
अहिलेसम्म इंगल्याण्डले तीन पटक फाइनल खेलिसकेको छ भने दक्षिण अफ्रिका फाइनलसम्म पुगेको छैन ।
घरेलु मैदान दि ओभलमा इंग्ल्याण्डले सन् २०१५ देखि कुनै एक दिवसीय खेल हारेको छैन ।
यसपटकको विश्वकपमा १० टोली सहभागी छन् ।