- सुन चाँदी दर
- विनिमय दर
- नेपाली पात्रो
- राशिफल
काठमाडौं । च्याम्पियन्स लिग फुटबलको उपाधि इंगलिश प्रिमियर क्लब लिभरपुलले जितेको छ । शनिबार राति भएको फाइनलमा अर्को प्रिमियर क्लब टोटनह्याम हट्सपरलाई २–० गोल अन्तरले पराजित गर्दै लिभरपुलले उपाधि जित्न सफल भएको हो ।
स्पेनको मड्रिडमा भएको खेल जितेपछि लिभरपुलले आफ्नो क्लब इतिहासमा छैटौं पटक यो उपाधि उचाल्न सफल भएको हो । त्यस्तै सन् २००५ पछि पहिलो पटक यो उपाधि उचाल्न लिभरपुल सफल भएको हो ।
जारी सिजनमा टोटनह्यामलाई तेस्रो पटक हराउने क्रममा योर्गेन क्लोपको लिभरपुललाई उपाधि दिलाउन मोहमद सलाह र डिभोक ओरिगीले एक एक गोल गरे ।
खेलको दोस्रो मिनेटमै सलाहको पेनाल्टी गोलमा लिभरपुलले अग्रता बनाएको थियो । टोटनह्यामका मौसा सिसोकोले ह्याण्ड गरेपछि लिभरपुलले पेनाल्टीको अवसर पाएको थियो ।
यसलाई विवादित पेनाल्टीसमेत पनि भनिएको छ ।
त्यसपछि खेलको ८८ औं मिनेटमा ओरिगीले गोल गर्दै लिभरपुललाई २–० को गोल अन्तरले जिताए ।
पहिलोपटक च्याम्पियन्स लिगको फाइनलमा पुगेको टोटनह्यामले फाइनलमा भने गोल गर्न नसक्दा पराजयको मुखमा पुग्नुपर्यो ।