- सुन चाँदी दर
- विनिमय दर
- नेपाली पात्रो
- राशिफल
काठमाडौं । २३ पटककी ग्राण्डस्लाम विजेता सेरेना विलियम्स फ्रेन्च ओपन टेनिसको तेस्रो चरणबाटै बाहिरिएकी छिन् ।
तीन पटककी च्याम्पियन अमेरिकन खेलाडी सेरेना शनिबार राति भएको खेलमा आफ्नै देशकी बिना वरियताकी सोफिया केनिनसंग पराजित भएकी हुन् ।
प्रिक्वार्टरफाइनलमा प्रवेश गर्नुपर्ने खेलमा सेरेना ६–२ र ७–५ को सोझो सेटमै पराजित भइन् ।
२० वर्षीया केनिनको यो करियरकै सबैभन्दा सफल खेल हो । उनले आफूभन्दा १७ वर्ष जेठी ३७ वर्षीया सेरेनालाई हराएर टेनिसमा छलांग लगाउने संकेत गरिसकेकी छिन् ।
छोरीकी आमा बनेपछि पुरानो लयलाई खासै पकड्न नसकेकी सेरेनाले घुँडाको चोटका कारण यसअघिका दुई प्रतियोगिता पनि त्यागेकी थिइन् ।
यो खेलमा उनले ३४ वटा ‘अनफोर्सड् इरर’ (अनावश्यक गल्ती) गरेकी थिइन् ।