डोटी । जिपको ठक्करबाट एक जनाको मृत्यु भएको छ । डोटीको लाटामाण्डौं गाविस–८ गोपघाट सडकखण्ड स्थित डडेल्धुराबाट दिपायल तर्फ आउदै गरेको से १ ज ७८७ नम्बरको जिपले ५ वर्षीय बालक आर्यन बलायरलाई ठक्कर दिएको हो ।
जिपको ठक्करबाट घाइते भएका बलायरलाई उपचार गर्न कोहलपुर लैजाने क्रममा मृत्यु भएको हो । यस्तै, घाइते भएकी दिदी निसाको सुजङ्ग अस्पताल राजपुरमा उपचार भइरहेको छ । निसाको खुट्टामा चोट लागेको तथा मृतक आर्यनको टाउको र खुट्टामा चोट लागेको थियो ।
