न्यूजिल्याण्डको लगातार तेस्रो जित, पुछारमा अफगानिस्तान

प्रकाशित मिति : २०७६ जेठ २६ आइतबार

काठमाडौं। इंगल्याण्डमा जारी एक दिवसीय विश्वकप क्रिकेटमा न्यूजिल्याण्डले लगातार तेस्रो जित दर्ता गरेको छ ।

शनिबार राति भएको खेलमा अफगानिस्तानलाई ७ विकेटले पराजित गर्दै न्यूजिल्याण्डले अपराजित यात्रा कायम राखेको हो ।

Taylor

अफगानिस्तानले दिएको १७३ रनको सामान्य लक्ष्य न्यूजिल्याण्डले ३२.१ ओभरमा ३ विकेट गुमाएर पूरा गर्यो ।

Panorama

कप्तान केन विलियमसनले नटआउट हुँदै ७९ रन बनाए । यस्तै रोस टेलरले ४८ तथा कोलिन मुन्रोले २२ रन बनाए । अफगानिस्तानका अफताब आलमले ३ विकेट लिए । 

GettyImages-1154632936

यसअघि टस हारेर पहिले ब्याटिङ गरेको अफगानिस्तानले ४१.१ ओभरमा अलआउट हुँदै १७२ रन बनाएको थियो । हास्मतउल्लाह साहिदीले सर्वाधिक ५९ रन बनाए । 

Hashmatullah

जेम्स निशमले ५ विकेट लिए भने लोकी फेर्गुसनले ४ विकेट लिए । 

Neesham bowling

जितसंगै न्यूजिल्याण्डले ३ खेलबाट ६ अंक जोडेर तालिकाको शीर्ष स्थानमा रहेको छ । अफगानिस्तान भने लगातार तेस्रो हारसहित पुछारमा रहेको छ । दक्षिण अफ्रिका पनि अंकविहीन छ । 

img_20190608_154457

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ