- सुन चाँदी दर
- विनिमय दर
- नेपाली पात्रो
- राशिफल
काठमाडौं । युरो कप छनोट फुटबलमा फ्रान्सले एन्डोरामाथि ४–० गोल अन्तरको जित निकालेको छ । मंगलबार राति समूह एचको खेलमा विश्वकप च्याम्पियन टिमले सहज जित निकालेको हो ।
फ्रान्सका लागि केलियन एम्बाप्पे, वेन इडर, थाउभिन र जुमाले एक एक गोल गरे ।
एम्बाप्पेको सयौं गोल
खेलको ११ औं मिनेटमा गोल गर्दै एम्बाप्पेले टोलीलाई सुरुवाती अग्रता दिलाएका थिए । यो उनको करियरको सयौं गोल थियो ।
विश्वकपमा एकाएक उदाएका एम्बाप्पेले विश्वभरका फुटबलप्रेमीको मन जितेका छन् ।
उनी विश्वकपमा युथ प्लेयरको उपाधि जित्नसमेत सफल भएका थिए । उनी फ्रेन्च क्बल पिएसजीबाट व्यवसायिक फुटबल खेल्ने गर्छन् ।
अंक तालिका
फ्रान्स ४ खेलबाट ९ अंक सहित तालिकाको शीर्ष स्थानमा उक्लिएको छ । एन्डोरा अंकविहिन हुँदै तालिकाको पुछारमा छ । टर्की र आइसल्याण्डको पनि समान ९ अंक नै छ ।
समूह एचको खेलमा मंगलबार राति अल्बानियाले माल्डोभालाई २–० ले हरायो । आईसल्याण्डले टर्कीलाई २–१ ले हरायो । अल्बानिया ६ अंकसहित चौथो, माल्डोभा ३ अंकसहित पाँचौ स्थानमा छ ।