नेपालमा जस्तै केन्द्र र प्रदेशको चुनाव एकैपटक गर्न मोदीको प्रस्ताव, १४ दलद्वारा बहिस्कार

प्रकाशित मिति : २०७६ असार ४ बुधबार

नयाँ दिल्ली । भारतमा पनि नेपालमा जस्तै संघ र प्रदेशको चुनाव एकैपटक गर्नको लागि प्रधानमन्त्री नरेन्द्र मोदीले प्रस्ताव गरेका छन् । दोहोरो चुनावका कारण राज्यलाई अनावश्यक आर्थिक भार भएको र शासकीय पद्धतीको तालमेल नमिलेका कारण मोदीले त्यस्तो चुनावको लागि छलफल गर्न सर्वदलीय बैठक डाकेका हुन् ।

देशमा एक साथ विधानसभा र लोकसभाको चुनाव गराउनको लागि मोदी सरकारले गरेको यो दोस्रो बैठक हो । सन् २०१४ मा पहिलो पटक लोकसभामा निर्वाचन हुँदा पनि उनले यो प्रस्ताव गरेका थिए । त्यतिबेला पनि असफल भएपछि प्रधानमन्त्री मोदीले फेरि अर्काे प्रयास गरेका हुन् । दोस्रो पटक उनले यो विषयमा सबैको मत बुझ्न र उनीहरुलाई सन्तुष्ट गराउनको लागि सबै विपक्षी दलका नेताहरुलाई निम्ता दिएका थिए । 

यसरी मोदीले बोलाएको बैठकलाई काँग्रेस सहित कैयौं पार्टीहरुले बहिस्कार गरेका छन् । यसरी बहिस्कार गर्ने दलहरुमा तृणमूल काँग्रेस, समाजवादी पार्टी र बहुजन समाजवादी पार्टी, आम आदमी पार्टी लगायत १४ दलले सर्वदलीय बैठक बहिस्कार गरेका छन् । बैठकमा चन्द्रबाबु नायडू, चन्द्रशेखर राव लगायत नेताहरुको समय अनुपस्थिति थियो । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ