‘जय श्रीराम’ भनी नारा लगाउँदा प्रहरीले गोली हान्यो
प्रकाशित २०७६ असार ८ आइतबार
170
Shares
काठमाडौं । भारतको पश्चिम बंगालमा ‘जय श्रीराम’ को नारा लगाउँदा प्रहरीले गोली चलाएको छ । उक्त गोली लागेर दुई जना घाइते भएका छन् ।
बाँकुरा जिल्लाको पंचासायर गाउँमा शनिबार पुलिस र भारतीय जनता पार्टी भाजपाका कार्यकर्ताहरुबीच भिडन्त हुँदा भाजपाका दुई कार्यकर्ता घाइते भएका हुन् ।
जय श्रीरामको नारा लगाएपछि प्रहरीले कार्यकर्ताहरुमाथि गोली चलाउनुका साथै लठ्ठीले पिटेको भाजपाले जनाएको हो ।
गृहमन्त्री अमित शाहको आदेशमा भाजपा नेताहरुको एक टोली रिपोर्टका लागि उत्तर २४ परगना जिल्लाको भाटपारा गएको थियो । त्यसको तुरुन्तै फेरि हिंसा भएको थियो । प्रहरीमाथि बमसमेत फ्याकिएको बताइएको छ ।
तृणमूल काँग्रेसका सांसद सुवेन्दु अधिकारीले एक जनसभामा संवोधन गरिरहेका थिए । उक्त क्रममा भाजपा कार्यकर्ताहरुले उक्त जनसभाको सामुन्ने जय श्रीरामको नारा लगाउन थाले ।
त्यसपछि भाजपा र तृणमूलबीच हंगामा हुन थाल्यो ।
भाजपाले पुलिसले कार्यकर्तामाथि गोली चलाएको आरोप लगाएको छ । १४ वर्षको एक बालकसहित दुई जना घाइते भएका छन् ।
भाजपाको दावी छ कि बिहीबार भएको हिंसामा दुई भाजपा कार्यकर्ताको मृत्यु भएको छ ।
