- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगल्याण्डमा जारी विश्वकप एक दिवसीय क्रिकेटमा बुधबार पाकिस्तान र न्यूजिल्याण्डबीचको खेल हुँदैछ ।
विश्वकपको ३३ औं खेल बर्मिंघमको मैदानमा दिउँसो ३ः१५ बजे खेल सुरु हुनेछ । दुवै टिम पाँचौं पटक इंगल्याण्डको मैदानमा आमने सामने हुँदैछन् । पछिल्ला तीन खेलमा पाकिस्तान विजयी भएको छ ।
सन् १९८३ मा भएको खेलमा न्यूजिल्याण्ड विजयी भएको थियो । त्यसपछि ३६ वर्षदेखि पाकिस्तान विजयी हुँदै आएको छ । सन् १९८३ मै, सन् १९९९ र सन् १९९९ मै पाकिस्तान विजयी भएको थियो ।
तर २० वर्ष भैसक्यो दुवै टिम इंगल्याण्डमा नभिडेको ।
हेड टु हेड
दुवै टिमले आपसमा १०६ एक दिवसीय खेलेका छन् । त्यसमध्ये पाकिस्तान ५४ खेलमा विजयी भएको छ भने न्यूजिल्याण्डले ४८ खेल जितेको छ ।
एक खेल बराबरीमा सकिँदा ३ खेलमा नतिजा आएको थिएन । विश्वकपमा भने ८ खेल खेलिएकामा ६ खेल पाकिस्तानले जितेको छ भने न्यूजिल्याण्डले दुई खेलमात्र जितेको छ ।
अहिलेको अंकतालिका
पहिलो पटक विश्वकपमा न्यूजिल्याण्ड निकै सशक्त देखिएको छ । न्यूजिल्याण्डले खेलको ६ खेलमा अहिलेसम्म हार बेहोरेको छैन ।
११ अंकको न्यूजिल्याण्डले भारत विरुद्धको खेल रद्द भएसंगै अंक बाँडेको थियो । न्यूजिल्याण्ड दोस्रो स्थानमा छ ।
पाकिस्तान भने सातौं स्थानमा छ । पाकिस्तानले ६ खेलबाट ५ अंक बटुलेको छ । यो खेलमा पराजित हुँदा न्यूजिल्याण्डको सेमिफाइनल यात्रा रोकिने सम्भावना छैन । तर यो खेल हार्दा पाकिस्तानको यात्रा रोकिने लगभग पक्का छ ।
इतिहास पाकिस्तानको पक्षमा छ भने वर्तमान न्यूजिल्याण्डको पक्षमा छ । जित्ला कसले ?