- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगल्याण्डमा जारी एक दिवसीय विश्वकप क्रिकेटको ३५ औं खेलमा शुक्रबार श्रीलंका र दक्षिण अफ्रिका भिड्दै छन् ।
दिउँसो ३ः१५ बजे चेस्टर–ले–स्ट्रिटमा हुने खेलमा श्रीलंका जितका लागि र दक्षिण अफ्रिका प्रतिष्ठा बचाउन खेल्दैछ ।
अर्थात् श्रीलंका सेमिफाइनलको होडका लागि जित्न खेल्दैछ भने सेमिफाइनल होडबाट बाहिरिइसकेको दक्षिण अफ्रिका गुमेको प्रतिष्ठा बचाउन खोज्दैछ ।
६ खेलबाट ६ अंकको श्रीलंका यो खेल जित्नासाथ सातौं स्थानबाट एकैपटक पाँचौं स्थानमा पुग्नेछ । अनि श्रीलंकाले चौथो स्थानको इंगल्याण्डसंग अंक बराबरी गर्नेछ ।
यो खेल जित्दा श्रीलंकाको सेमिफाइनल सम्भावना बलियो हुनेछ । तर हारले भने सम्भावना कमजोर हुनेछ ।
के भन्छ इतिहास ?
इतिहास श्रीलंकाको पक्षमा छैन । श्रीलंकाले इंगल्याण्डको भूमिमा दक्षिण अफ्रिकालाई सन् १९९८ पछि हराउनै सकेको छैन ।
इतिहासकै कुरा गर्दा श्रीलंकाले सन् १९९२ मा दक्षिण अफ्रिकालाई विश्वकपमा हराएपछि अहिलेसम्म हराउन सकेको छैन ।
त्यसपछि सन् १९९९ मा ८९ रन, सन् २००७ मा श्रीलंकाले १ विकेटले र सन् २०१५ मा ९ विकेटले हारेको थियो । २००३ को एक खेल बराबरी भएको थियो ।
एक दिवसीयमा पनि दक्षिण अफ्रिका हावी छ । ७६ खेल आपसमा भएकामा ४३ खेल दक्षिण अफ्रिकाले जितेको छ । ३१ खेल दक्षिण अफ्रिकाले जित्दा १ बराबरी र एकमा नतिजा निस्केको थिएन ।
विश्वकपमा खेलिएका ५ खेलमा दक्षिण अफ्रिकाले ३, श्रीलंकाले १ र १ खेल नजिताबिहीन भएको थियो ।