- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगल्याण्डमा जारी एक दिवसीय विश्वकप क्रिकेटमा न्युजिल्याण्ड अप्ठेरोमा परेको छ । सुरुआतमा लगातार खेल जितेर अपराजित यात्रा अगाडि बढाएको भए पनि न्यूजिल्याण्ड पछिल्लो समय लगातार दुई खेल हार्दा अप्ठेरोमा परेको छ ।
शनिबार रातिको खेलमा न्युजिल्याण्डलाई अष्ट्रेलियाले पराजित गरेको छ । लर्ड्समा भएको खेलमा अष्ट्रेलियाले न्युजिल्याण्डलाई ८६ रनले पराजित गरेको हो ।
अष्ट्रेलियाले दिएको २४४ रनको लक्ष्य पछ्याएको न्युजिल्याण्ड ४३.४ ओभरमा अलआउट हुँदै १५७ रनमा रोकिन वाध्य भयो ।
कप्तान केन विलियम्सनले सबैभन्दा धेरै ४० रन बनाए । रोस टेलरले ३० रन बनाए ।
मिचेल स्टार्कले ५ विकेट लिए । उनले ९.४ ओभरमा २६ रन खर्चेर ५ विकेट लिए
यसअघि टस जितेर पहिले ब्याटिङ गरेको अष्ट्रेलियाले ९ विकेटको नोक्सानीमा २४३ रन बनाएको थियो ।
उस्मान ख्वाजाले ८८ तथा एलेक्स केरीले ७१ रन बनाए ।
ट्रेन्ड बोल्टले ह्याट्रिक विकेटसहित ४ विकेट लिए । तर यो ह्याट्रिकले खेल जिताएन ।
बोल्ट विश्वकपमा ह्याट्रिक लिने न्युजिल्याण्डका पहिलो खेलाडी समेत बने ।
अंक तालिका
यो जितसंगै अष्ट्रेलिया अंक तालिकाको शीर्ष स्थानमा यथावत् रहन सफल भएको छ । अष्ट्रेलियाले ८ खेलबाट १४ अंक जोडेको छ ।
न्युजिल्याण्डले ८ खेलबाट ११ अंक जोडेको छ । न्युजिल्याण्ड तेस्रो स्थानमा रहेको छ ।
यो खेल जितेको भए न्युजिल्याण्ड एक खेलअघि नै सेमिफाइनलमा पुग्ने थियो । अब अन्तिम खेल नै कुर्नुपर्नेछ न्युजिल्याण्डले सेमिफाइनल पुग्नका लागि ।