-
-
-
-
काठमाडौं । व्यवसायिक फुटबलमा स्पेनिश क्लब बार्सिलोनाबाट उत्कृष्ट प्रदर्शन गर्दै आएका उरुग्वेका खेलाडी लुइस स्वारेजले आफ्नो देशलाई भने हराएका छन् ।
उनले आफ्नो गल्तीले देशलाई कोपा अमेरिका फुटबल प्रतियोगिताको क्वार्टरफाइनलबाट हराएका हुन् ।
शनिबार राति भएको खेलमा पेरुसंग पेनाल्टी सुटआउटमा ५–४ ले पराजित हुँदै उरुग्वे प्रतियोगिताबाट बाहिरिएको हो ।
पेनाल्टीमा गोल गर्न नसक्ने स्वारेज नै थिए । निर्धारित समयको खेल गोलरहित बराबरीमा सकिएपछि निर्णय पेनाल्टी सुटआउटमा गरिएको थियो । जसमा पेरुले ५–४ ले बाजी मार्यो ।
निर्धारित समयमा ईडिन्सन काभानी र लुईस स्वारेजको गोल अफ साईड भएको थियो ।
उरुग्वे १५ पटकको कोपा अमेरिका फुटबल च्याम्पियन हो ।
