- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगल्याण्डमा जारी एकदिवसीय विश्वकप क्रिकेटमा श्रीलंकाले वेष्ट इण्डिजलाई पराजित गरेको छ । सोमबार राति भएको खेलमा श्रीलंकाले वेष्ट इण्डिजलाई २३ रनले पराजित गरेको हो ।
चेस्टरमा भएको खेलमा श्रीलंकाले दिएको ३३९ रनको फराकिलो लक्ष्य लिएर उत्रेको वेष्ट इण्डिजले निर्धारित ५० ओभरमा ९ विकेट गुमाएर ३१५ रन मात्र बनाउन सक्यो ।
निकोलस पुरनले ११८, फाबियन अलेनले ५१ र क्रिस गेलले ३५ रन बनाएर आउट भए । श्रीलंकाका लासिथ मालिंगाले ३ विकेट लिए ।
यसअघि श्रीलंकाले ५० ओभरमा ६ विकेट गुमाएर ३३८ रन बनाएको थियो । अभिष्का फर्नान्डोले १०४, कुशल परेराले ६४ र लाहिरु थिरिमानेले नटआउट ४५ रन बनाएका थिए ।
वेष्ट इण्डिजका जासन होल्डरले २ विकेट लिए ।
जितसंगै श्रीलंकाले ८ खेलबाट ८ अंक जोडेको छ । श्रीलंका तालिकाको छैटौं स्थानमा छ । पराजित वेष्ट इण्डिजले ८ खेलबाट मात्र ३ अंक जोडेको छ ।
दुवै टोली प्रतियोगिताबाट बाहिरिसकेका अवस्थामा यो केवल प्रतिष्ठाको लडाइँ थियो । जहाँ एक पटकको च्याम्पियन श्रीलंकाले दुई पटकको च्याम्पियन वेष्ट इण्डिजलाई हरायो ।