महाराष्ट्रमा वर्षाले मार्यो ५० लाई, ड्याम खस्दा २ को मृत्यु २४ बेपत्ता

प्रकाशित मिति : २०७६ असार १८ बुधबार
तस्वीर – एजेन्सी

काठमाडौं । भारतको महाराष्ट्रमा ६ दिनदेखि परेको अविरल वर्षाले थुप्रैको क्षति गरेको छ । ५० को हाराहारीमा मानिसहरुको ज्यान गएको भारतीय संचारमाध्यमहरुले बताएका छन् । 

मुम्बई, पुणें, ठाणे, नासिक र रत्नागिरीसमेत गरी थुप्रै इलाकामा असर परेको छ । रत्नागिरीमा मंगलबार राति आएको वर्षाले तिबरे ड्याम फुट्दा करीव ७ गाउँ डुबेका छन् । 

२ जनाको मृत्यु भएको छ भने २४ बेपत्ता भएका छन् । स्थानीय प्रशासनका अनुसार ड्यामको नजिक रहेका १२ घर पानीमा बगेका छन् । 

यसअघि सोमबार र मंगलबारमात्रै महाराष्ट्रमा ३५ जनाको मृत्यु भएको थियो । जसमा मुम्बईमा २३, पुणेमा ६, कल्याण र नासिकमा ३–३ जनाको मृत्यु भएको थियो । 

मलाडमा पर्खाल ढलेर मृत्यु हुनेको संख्या २३ पुगेको छ भने ७३ जना घाइते भएका छन् । 

मौसम विभागले बुधबार पनि भारी वर्षा हुने भन्दै सतर्क रहन आग्रह गरेको छ । मुम्बईमा लगातार ६ दिनको वर्षाले सन् २००५ को बाढीको याद गराएको भारतीय संचार माध्यमले लेखेका छन् । 

मनसुन राजस्थान पुगेको छ भने तीन वटा राज्यमा हाई अलर्ट गरिएको छ । 

नयाँ