-
-
-
-
काठमाडौं । मलेसियामा जारी एसीसी यु–१९ इस्टर्न रिजन क्रिकेट प्रतियोगितामा नेपालले शानदार सुरुआत गरेको छ । नेपालले आफ्नो पहिलो खेलमा छिमेकी प्रतिद्धन्द्धी चीनलाई १० विकेटले हराएको हो ।
नेपालले ५४ रनको सामान्य लक्ष्य केवल ५ ओभर मात्र खेल पुरा गर्यो । पवन सरार्फले २१ बलमा नटआउट ४६ रन बनाए । सर्राफले ६ चौका र ३ छक्का हानेका थिए । त्यस्तै रित गौतम १० रनमा नटआउट रहे ।
यसअघि टस हारेर पहिले ब्याटिङ गरेको चीन ५३ रनमा अलआउट भएको थियो । दुई खेलाडीले मात्र डबल डिजिटको स्कोर बनाएका थिए ।
नेपालका लागि सागर ढकाल एक्लैले ६ विकेट लिए । यो नै उमेर समूहको सम्झनलायक विकेट हो ।
तिलक भण्डारीले ३ तथा कमल सिंह ऐरीले एक विकेट लिएका थिए ।
त्यस्तै मलेसियाले थाइल्याण्डलाई १६ रनले हराएको छ ।
