लालूको स्वास्थ्य अवस्था गम्भीर, दैनिक चार अन्डा खुवाइदै

प्रकाशित मिति : २०७६ असार २२ आइतबार
फाइल तस्विर

काठमाडौं । चारा घोटालाको चार मामिलामा सजाय भोगिरहेका भारतको राष्ट्रिय जनता दलका नेता लालू प्रसाद यादवको स्वास्थ्य अवस्था गम्भीर बन्न पुगेको छ । उनको मिर्गौलाबाट लगातार प्रोटिन लिक भइरहेको छ ।
 
यसबाट बच्न उनलाई दैनिक चार अन्डा दिइने गरिएको छ । राँचीको रिम्समा आफ्नो गम्भीर रोगको उपचार गराइरहेका लालूको एउटा मिर्गौलाले अहिले ५० प्रतिशत काम गरेको छैन । यस्तोमा उनका सहयोगीले उनलाई दैनिक कम्तीमा ४ अन्डा दिने गरेका छन् ।

लालूको उपचार गराइरहेका डाक्टर डीके झाका अनुसार लालू प्रसाद यादवको परीक्षण एक महीनामा एकपटक गराइने गरिएको छ । उनलाई वर्षाको समयमा थप सावधान रहन सचेत गराइएको छ । खानपानकामा विशेष ध्यान दिनुका साथै ताजा भोजनको लागि पनि सुझाव दिइएको छ ।

डाक्टर डीके झाले पछिल्लो समय आँप खाएसँगै लालूको सुगर बढिरहेको छ । यसलाई नियन्त्रण गर्न इन्सुलिन डोज बढाइएको छ । यस्तोमा लालूलाई आँप खान पनि मनाही गरिएको छ । पछिल्लो उनको स्वास्थ्य अवस्थामा सुधार देखिएको छ । उनले रक्तचाप स्थिर देखिएको छ ।

चारा घोटलाको मामिलामा आधा सजाय नकाटी जमानतको माग गरिरहेका लालूको याचिकामा जुलाई १२ मा सुनुवाई हुने मिति तोकिएको छ । अहिले लालू साढे तीन वर्षको सजाय काटिरहेका छन् । यस्तोमा उनले आधा सजाय काटिसकेका छन् । यसैलाई आधार बनाएर उनले उच्च अदालतमा जमानतको लागि आग्रह गरेका हुन् ।

शनिवार भने लालूले आफ्नो स्वास्थ्य अवस्था राम्रो रहेको बताएका थिए । सन् २०२० मा हुने बिहारको विधानसभा चुनाव राष्ट्रिय जनता दल तेजस्वी यादवको नेतृत्वमा लड्ने बताइएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ