- सुन चाँदी दर
- विनिमय दर
- नेपाली पात्रो
- राशिफल
काठमाडौं । मलेसियामा जारी एसीसी यू–१९ इस्टर्न रिजन क्रिकेटको पहिलो सेमिफाइनलमा नेपालले जितका लागि ८८ रनको विजयी लक्ष्य पछ्याइरहेको छ ।
क्वालालम्पुरस्थित किन्रारा ओभलमा नेपालले घरेलु टोली मलेसियासंग खेलिरहेको हो । मलेसियाले पहिले ब्याटिङ गर्दै ८७ रनमा अलआउट भएको छ ।
मुहमद अमिरले सबैभन्दा धेरै २४ रन बनाए । ४४.५ ओभरमा मलेसियालाई अलआउट गर्ने क्रममा सागर ढकालले १० ओभरमा ३ मेडन राखेर १६ रन खर्चेर ३ विकेट लिएका छन् ।
कुशल मल्लले २ तथा कमल सिंह ऐरी, रसिद खान र तिलकराज भण्डारीले १–१ विकेट लिएका छन् ।
जवाफमा नेपालले आक्रामक र तीव्र गतिमा रन बनाइरहेको छ । पवन सर्राफ १६ बलमा १८ रन बनाएर आउट भएका छन् । २० रन जोड्दा ३.५ ओभरमा नेपालले पवनलाई गुमाएको हो ।
समूह चरणमा अपराजित रहँदै नेपाल समूह विजेता बनेको थियो । पहिलो खेलमा चीनलाई १० विकेटले हराएको नेपालले दोस्रो खेलमा सिंगापुरलाई २१७ रनको फराकिलो अन्तरले पराजित गरेको थियो ।
साबिकको विजेता नेपालले समूह बीको उपविजेता मलेसिया प्रतिस्पर्धी पाएको हो ।
यू–१९ क्रिकेटमा मलेसियासँगको पछिल्लो १० भेटमा नेपाल हाबी हुँदै आएको छ । १० खेलमा नेपालले ९ खेल जितेको छ भने मलेसियाले १ खेल मात्र जितेको छ ।
अर्को सेमिफाइनलमा सिंगापुरले टस जितेर हङकङ विरुद्ध पहिले फिल्डिङ गरिरहेको छ । सिंगापुर समूह ए को उपविजेता हो भने हङकङ समूह बी को विजेता हो ।