-
-
-
-
काठमाडौं । इंगलिश फुटबल क्लबहरु चेल्सी र म्यान्चेस्टर युनाइटेडले प्रिसिजन खेलमा राम्रो प्रदर्शन गरेका छन् ।
मैत्रीपूर्ण खेलमा चेल्सीले आइरिस क्लब सेन्ट प्याट्रिक्स एथलेटिकलाई ४–० गोल अन्तरले पराजित गरेको छ ।
प्रिसिजन टुरमा रहेको चेल्सीका लागि ओलिभर जिरुले २ गोल गरे । यस्तै मसुन माउन्ट र इमर्सनले एक एक गोल गरे ।
योसँगै प्रशिक्षक फ्रान्क लाम्पार्डले टिम सम्हालेसंगै चेल्सीले प्रिसिजनको मैत्रिपूर्ण खेलमा पहिलो जित निकाल्न सफल भएको छ ।
त्यसैगरी प्रिसिजनको पहिलो टुर खेलमा म्यान्चेस्टर युनाइटेडले पर्थ ग्लोरीलाई २–० गोल अन्तरले हरायो ।
मार्कस रशफोर्ड र जेम्स गार्नरले १–१ गोल गरे ।
