विश्वकप क्रिकेटको उपाधि कसको ? इंगल्याण्ड कि न्युजिल्याण्ड ?
प्रकाशित २०७६ असार २९ आइतबार
164
Shares
काठमाडौं । इंगल्याण्डमा भइरहेको एक दिवसीय विश्वकप क्रिकेटको उपाधि भिडन्त आइतबार दिउँसो हुँदैछ । फाइनलमा दिउँसो ३ः१५ बजे आयोजक इंगल्याण्ड र न्युजिल्याण्ड खेल्दैछन् ।
लण्डनको लर्डसमा हुने खेलबाट विश्वले नयाँ विश्वकप विजेता पाउने छ ।
अहिलेसम्म अष्ट्रेलिायले ५ पटक, भारत र वेष्ट इन्डिजले २–२ पटक तथा पाकिस्तान र श्रीलंकाले १–१ पटक उपाधि जितेका छन् ।
यसपटक उपाधि जित्ने छैटौं टिम बन्नेछ ।
को छ बलियो ?
इंगल्याण्डले चौथो र न्युजिल्याण्डले दोस्रो पटक फाइनल खेल्दैछ । न्युजिल्याण्ड ब्याक टु ब्याक दोस्रो पटक फाइनलमा स्थान बनाएको हो ।
इंगल्याण्ड सन् १९९२ पछि पहिलो पटक फाइनलमा पुगेको हो । घरेलु मैदानमा इंगल्याण्ड बलियो छ । सेमिफाइनलमा भारतलाई १८ रनले पछार्दै न्युजिल्याण्ड फाइनलमा पुगेको हो ।
सेमिफाइनलमा विश्वकपको सबैभन्दा सफल टिम अष्ट्रेलियालाई हराएको इंगल्याण्ड झनै सशक्त छ ।
लिग चरणमा इंगल्याण्डले न्युजिल्याण्डलाई ११९ रनले हराएको थियो ।
