एसिया ट्रफीमा म्यान्चेस्टर सिटीको रवाफपूर्ण प्रदर्शन
म्यान्चेस्टर सिटी र वुल्भरह्याम्पटन फाइनलमा
प्रकाशित २०७६ साउन २ बिहिबार
421
Shares
काठमाडौं । इंगलिश प्रिमियर लिग फुटबल सुरु हुनुअघिको प्रि–सिजन अन्तर्गत प्रिमियर लिग एसिया ट्रफीमा म्यान्चेस्टर टीले प्रभावशाली जित निकालेको छ । बुधबार राति भएको खेलमा सिटीले वेस्ट ह्यामलाई ४–१ गोल अन्तरले हराएको हो ।
सिटीको जितमा रहिम स्टर्लिङको दुई गोल सामेल थियो । वेस्टह्यामले खेलको २६ औं मिनेटमा सुरुवाती अग्रता लिएको थियो । मार्क नोबेलले गोल गर्दै वेस्टह्यामलाई सुरुवाती अग्रता दिलाएका थिए ।
३३ औं मिनेटमा डेबिड शिल्भाले बराबरी गोल फर्काए । लुकास नेमेचाले पेनाल्टीमा गोल गर्दै सिटीलाई अग्रता दिलाए ।
५९ औं मिनेटमा स्टर्लिङले गोल गर्दै सिटीलाई ३–१ को स्थितिमा ल्याए । ७२ औं मिनेटमा स्टर्लिङले व्यक्तिगत दोस्रो गोल गर्दै सिटीलाई ४–१ को फराकिलो जित दिलाए ।
त्यस्तै अर्को खेलमा वुल्भरह्याम्पटन वान्डेरर्सले न्यूकासल युनाइटेडलाई ४–० गोल अन्तरको फराकिलो अन्तरले हरायो ।
युनाइटेडका लागि डिएगो जोटाले २ गोल गरे । उनले १५ औं र ४० औं मिनेटमा गोल गरेका थिए ।
३२ औं मिनेटमा मोर्गान जिप्स ह्वाइटले तथा ८५ औं मिनेटमा थोमस एलनले आत्मघाती गोल गरेका थिए ।
जितसंगै म्यान्चेस्टर सिटी र वुल्भरह्याम्पटन फाइनलमा पुगेका छन् । दुवै उपाधिका लागि आपसमा खेल्नेछन् ।
