- सुन चाँदी दर
- विनिमय दर
- नेपाली पात्रो
- राशिफल
काठमाडौं । मेक्सिकोका कुख्यात लागूऔषध तस्कर ह्वाकिन ‘एल च्यापो’ गुजम्यानलाई जन्मकैदको सजाय भएको छ । ६२ वर्षीय च्यापोलाई त्योसंगै अतिरिक्त ३० बर्षे जेल सजाय अमेरिकी अदालते सुनाएको छ ।
उनलाई १० वटा अभियोगमा दोषी ठहर गर्दै आजीवन कारावासको सजाय सुनाइएको हो । त्यसैगरी अदालतले उनलाई साढे १२ अर्ब डलरभन्दा बढी जरिवाना गर्ने निर्णयसमेत गरेको छ ।
गत फेब्रुअरीमा न्यूयोर्कस्थित अदालतले हत्याको षड्यन्त्र र कयौं टन कोकिन, हिरोइन र गाँजा तस्करीको आरोपमा उनलाई दोषी ठहर गरेको थियो ।
उनलाई सन् २०१७ मा अमेरिकामा सुपुर्दगी गरिएको थियो ।
उनी सिनाओला कार्टेलका नामले परिचित कुख्यात लागूऔषध तस्करी गिरोहका नाइके भएको बताइएको छ ।
फोर्बसले सन् २००९ मा उनलाई विश्वका धनी ब्यक्तिको सूचीमा एक बिलियन डलर सहित ७०१ औं स्थानमा राखेको थियो ।
उनीमाथि कम्तीमा ३ जना मारेको दोष पनि छ ।