- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रि–सिजन टुर अन्तर्गत अन्तर्राष्ट्रिय च्याम्पियन्स कप फुटबलमा इंगलिश क्लब टोटनह्याम हट्सपर विजयी भएको छ । टोटनह्यामले इटालियन क्लब युभेन्ट्सलाई पराजित गरेको हो ।
आइतबार राति भएको खेलमा टोटनह्यामले युभेन्ट्सलाई ३–२ गोल अन्तरले पराजित गरेको हो ।
सिंगापुरमा भएको खेलमा टोटनह्यामलाई जित दिलाउन एरिक लामेला, लुकास मौरा र ह्यारी केनले एक एक गोल गरे ।
युभेन्ट्सका गोन्जालो हिगुइन र क्रिस्टियानो रोनाल्डोले एक एक गोल गरे ।
यस्तो छ गोल समीकरण
निकै रोमान्चक खेलको ३१ औं मिनेटमा लामेलाको गोलबाट टोटनह्यामले अग्रता बनाएको थियो ।
५६ औं मिनेटमा हिगुइनले गोल गर्दै युभेन्ट्सलाई बराबरीमा ल्याए ।
६० औं मिनेटमा रोनाल्डोले गोल गरेपछि युभेन्ट्स २–१ ले अग्रता लिन सफल भयो ।
६५ औं मिनेटमा मौराले गोल गर्दै खेल २–२ को स्थितिमा ल्याए ।
त्यसपछि खेलको इन्जुरी समयमा केनले गोल गर्दै टोटनहमलाई ३–२ अन्तरले जिताए ।
केनको भाग्य चम्कँदा रोनाल्डोलाई निराश बनायो ।