- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रिसिजन फुटबल अन्तर्गत अन्तर्राष्ट्रिय मैत्रिपूर्ण खेलमा स्पेनिश क्लब बार्सिलोनाले पराजयको सामना गर्दा इंगलिश क्लब चेल्सीले भने जित हासिल गरेको छ ।
मंगलबार भएको मैत्रिपूर्ण खेलमा बार्सिलानालाई चेल्सीले २–१ गोल अन्तरले हराएको हो ।
टमी अब्राहमले ३४ औं मिनेटमा गोल गर्दै चेल्सीलाई सुरुवाती अग्रता दिलाएका थिए । रोस बार्कलीले ८१ औं मिनेटमा चेल्सीको अग्रता दोब्बर पारेका थिए ।
खेलको अन्तिम मिनेटमा ईभान राकिटिकले एक गोल गर्दै बार्सिलोनालाई सान्त्वनामात्र दिलाए । तर हार जोगिएन ।
ग्रिजब्यानको झुर डेब्यु
एन्टोनी ग्रिजम्यानको डेब्यु खेलमा बार्सिलोनाले हार ब्यहोरेको हो । प्लेईङ सेटमा रहेर खेलको सुरुवात गरेका ग्रिजम्यानको डेब्यु खेल सुखद रहन सकेन ।
उनी यसै सिजन कीर्तिमानी मुल्यमा बार्सिलोना आएका हुन् । ग्रिजम्यान १०८ मिलियन पाउन्डमा बार्सिलोना आएका हुन् ।
तर यो खेलमा बार्सिलोनाका सदावहार कप्तान लियोनल मेस्सी भने खेलेका थिएनन् । बार्सिलाना स्पेनिश च्याम्पियन हो भने चेल्सी प्रिमियर लिगमा उपविजेताको स्थानमा समेत पुग्न सकेको थिएन ।