- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगल्याण्डमा सत्ताधारी कन्जरभेटिभ पार्टीको नयाँ नेता चुनिएका बोरिस जोनसनले प्रधानमन्त्रीको रूपमा पदभार ग्रहण गरेका छन् ।
बकिङघम दरबारमा बुधबार महारानी एलिजावेथ द्वितीयालाई भेटेपछि प्रधानमन्त्री कार्यालय तथा निवास टेन डाउनिंग स्ट्रिटमा फर्किएर जोनसनले देशवासीका नाममा सम्बोधन गर्दै मन्त्रीमण्डल पनि विस्तार गरेका छन् ।
यसअघि टेरिजा मे बकिङहम प्यालेसमा गएर औपचारिक रुपमा महारानी एलिजाबेथ द्वितीयालार्इ राजीनामा बुझाएकी थिइन् ।
जोनसनले युरोपेली संघबाट ब्रिटेनको बहिर्गमनका लागि नयाँ सम्झौता गर्ने र युरोपसँगको भावी सम्बन्ध खुला व्यापार र आपसी सहयोगमा केन्द्रीत बनाउने उल्लेख गरेका छन् ।
उनले आगामी ३१ अक्टोबर भित्र यूके युरोपेली संघबाट अलग भइसक्नेमा आफू विश्वस्त रहेको पनि बताए।
मन्त्रीमण्डल
उनको मन्त्रीमण्डलमा ब्रेक्जिट समर्थकहरुले बढी स्थान पाएका छन् । मन्त्रीमण्डलको बरिष्ठ पदमा महिलाहरूको संख्या बढाउनुका साथै जातीय अल्पसंख्यकहरूको सहभागितामा पनि वृद्धि गरेका छन् ।
इंगल्याण्डको इतिहासमै सबैभन्दा विविधता रहने मन्त्रीमण्डलमा भारतीय मुलकी प्रीति पटेललाई गृहमन्त्री र पाकिस्तानी मुलका साजिद जावेदलाई अर्थमन्त्री नियुक्त गरिएको छ ।
यस्तै डोमनिक राव परराष्ट्र एवं विदेश मन्त्रीमा नियुक्त भएका छन् ।
प्रधानमन्त्री जोनसनका भाइ जो र ज्याकोब रिज–मग पनि मन्त्रीमण्डलमा समेटिएका छन् । त्यसैगरी आलोक शर्मा, ऋषि सुनक तथा कुलवीर रागड़लाई अवसर मिल्नेछ।