मानसिक दवावमा परेपछि ग्यारेथ बेल रियाल मड्रिडको टुरबाट हात झिके
प्रकाशित २०७६ साउन १४ मंगलबार
156
Shares
काठमाडौं । स्पेनिश फुटबल क्लब रियाल मड्रिडका फरवार्ड ग्यारेथ बेलले क्लबको टुरबाट हात झिकेका छन् । मानसिक दवावमा परेपछि उनले प्रिसिजन टुरबाट हात झिकेका हुन् ।
उनी मानसिक दवावमा परेको आफैले स्वीकारेका छन् । प्रशिक्षक जिनेजिन जिदान पुनः रियालमा फर्केपछि बेललाई प्राथमिकतामा राखेका छैनन् ।
त्यसपछि बेलले चिनियाँ क्लब जाने तयारी थालेका थिए । तर त्यो प्रक्रियामा ब्रेक लागेपछि उनी टिम बाहिर बस्ने निर्णयमा पुगेका हुन् ।
रियालका अध्यक्ष फ्लोरेन्टिनो पेरेजले बेललाई चिनियाँ क्लब जियाङ्सु सुनिङ जान रोकेका थिए । गत हप्ता मात्र जिदानले बेलबारे बोल्दै चाँडै क्लब छाड्ने बताएका थिए ।
रियालले मंगलबार बेलको पूर्व इंगलिश क्लब टोटनह्याम हट्सपरसंग खेल्दैछ । त्यसपछि रियालले बार्यन म्युनिख र फेनरबाचसंग समेत खेल्नेछ ।
सन् २०१३ मा कीर्तिमानी मूल्य ८५ मिलियन पाउण्डमा टोटनह्यामबाट रियाल आएका थिए । उनको क्लबसंगको सम्झौता अझै तीन बर्ष बाँकी छ ।
