फिफा वर्ष खेलाडीमा मेस्सी र रोनाल्डो मनोनयनमा, को परे को परेनन् ?

फिफा वर्ष खेलाडीमा मेस्सी र रोनाल्डो मनोनयनमा, को परे को परेनन् ?

प्रकाशित २०७६ साउन १६ बिहिबार

काठमाडौं । विश्व फुटबलको सर्वोच्च निकाय फिफाले बर्ष पुरुष खेलाडीको मनोनयन सार्वजनिक गरेको छ । फिफाले बुधबार सार्वजनिक गरेको शीर्ष १० खेलाडीको सुचीमा अर्जेन्टाइन खेलाडी एवं स्पेनिश क्लब बार्सिलोनाका खेलाडी लियोनल मेस्सी र पोर्चुगिज एवं इटालियन क्लब युभेन्टसका खेलाडी क्रिस्टियानो रोनाल्डो मनोनयनमा परेका छन् ।

बर्ष खेलाडीमा मेस्सी र रोनाल्डोसंगै इंगलिश प्रिमियर लिगका चार खेलाडी परेका छन् । जसमा टोटनह्यामबाट ह्यारी केन परेका छन् । बाँकी तीन खेलाडी लिभरपुलबाट परेका छन् ।

लिभरपुलबाट सादियो माने, मोहम्मद सलाह र भर्जिल डिजिक रहेका छन् । बार्सिलोनाका डी जोङ फ्रेनकी, युभेन्टसका म्याथिज डी लिट, रियाल मड्रिडका ईडेन हजार्ड र पेरिस सेन्ट जर्मेनका केलियन एम्बाप्पे परेका छन् ।