- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रशिक्षक जिनेदिन जिदान पुनः क्लबमा फर्केपछि कुनै चमत्कार देखाउन नसकेको रियाल मड्रिडले ढिलै भए पनि ला लिगा फुटबल सुरु हुनुअघिको प्रिसिजन खेलमा उत्कृष्ट प्रदर्शन गरेको छ ।
जर्मनीमा भएको औडी कप अन्तर्गतको खेलमा रियाल मड्रिडले टर्किश क्लब फेनरवाचलाई ५–३ गोल अन्तरले हरायो । करिम बेन्जिमाको ह्याट्रिकको सहयोगमा रियाल मड्रिड औडी कपमा तेस्रो भएको हो ।
बुधबार राति भएको खेलको यस्तो छ गोल सारांश–
–खेलको छैटौ मिनेटमा ग्यारी रोड्रिग्वेसको गोलबाट फेनरवाचले अग्रता बनायो ।
–१२ औ मिनेटमा बेन्जिमाले गोल गर्दै रियाललाई बराबरीमा ल्याए ।
–२७ औ मिनेटमा बेन्जिमाले रियाललाई २–१ को अग्रता दिलाए ।
–३४ औ मिनेटमा नबिल दादरले गोल गर्दै फेनरवाचललाई २–२ को स्थितिमा ल्याए ।
–५३ औ मिनेटमा बेन्जिमाले गोल गर्दै ह्याट्रिक पूरा गर्दै रियाललाई ३–२ को स्थितिमा पुर्याए ।
–५९ औ मिनेटमा ओजान तुफानले गोल गर्दै खेल ३–३ को स्थितिमा ल्याए ।
–६२ औ मिनेटमा नाचो फर्नान्डेजले गोल गर्दै रियाललाई ४–३ ले अगाडि बढाए ।
–७९ औ मिनेटमा मारियानो डियाजले गोल गर्दै रियाललाई ५–३ को जित दिलाए ।