काठमाडौं । पद्यमकन्या क्याम्पसकी स्ववियु सभापति तथा नेपाल विद्यार्थी संघकी नेतृ लालकुमारी पोखरेल (स्वस्तिका)को शवमा पार्टीका नेता तथा कार्यकर्ताहरुले आज श्रद्धान्जली दिएका छन् ।
स्वस्तिकाको पार्थिब शरीर श्रद्धाञ्जलीका लागि आज बिहान ७ देखि पद्यमकन्या क्याम्पस बागबजारमा राखिएको छ ।
उनलाई श्रद्धान्जली दिन काँग्रेसका सभापति शेरबहादुर देउवा, बरिष्ठ नेता रामचन्द्र पौडेल लगायतका नेताहरु पनि पद्यमकन्या क्याम्पस पुग्नु भएको छ । क्याम्पस परिसारमा अहिले ठुलो संख्यामा उनका सुवेच्छुकहरुको भिड लागेको छ । उनको आजै पशुपति आर्यघाटमा अन्त्यष्टी गर्ने कार्यक्रम रहेको छ ।
पोखरेल चढेको ट्याक्सीलाई विपरित दिसाबाट आएको गाडीले अमलेखगन्जमा ठक्कर दिंदा उनको घटनास्थलमै भएको हो । प्रहरी निरिक्षक पुरु खड्काको अनुसार उनको साथमा रहेका चालक ध्रुव कार्कीको पनि मृत्यु भएको छ भने भाई प्रदिप पोखरेल र भिनाजु गोविन्द बुढाथोकी घाइते छन् । भाई प्रदिप पोखरेललाई लिन गएकी स्वस्तिका विरगञ्जबाट फर्किदा दुर्घटनामा परेकी हुन् ।
पद्मकन्या क्याम्पसकी पूर्वस्ववियू सभापति नानु न्यौपानेको पनि २०५२ सालमा सडक दुर्घटनामा परि निधन भएको थियो । उनको क्याम्पस हातामा शालिक समेत राखिएको छ ।
