-
-
-
-
काठमाडौं । इंगलिश प्रिमियर फुटबल क्लब आर्सनलले आइभरी कोस्टका खेलाडी निकोलस पेपेलाई क्लबको कीर्तिमानी मुल्यमा भित्राउने भएको छ । क्लबकै सबैभन्दा महंगो मुल्यमा पेपेलाई आर्सनलले भित्राउन तयार भएको हो ।
पेपेलाई कीर्तिमानी ७२ मिलियन पाउण्ड खर्च गर्न आर्सनल तयार भएको हो । २४ बर्षका पेपेसंग पाँच बर्षको सम्झौता हुँदैछ ।
उनले सुरुआतमा भने २४ मिलियन पाउण्डमात्र पाउने छन् । पेपेले लिग वानमा लिलीबाट ७४ खेल खेल्दै ३५ गोल गरेका छन् । उनी सन् २०१७ मा एन्जर्सबाट लिलीमा जोडिएका थिए ।
गत सिजनमा उनले ४१ खेलमा २३ गोल गरेका थिए ।
आर्सनलमा १९ नम्बरको जर्सी लगाउने पेपेले आफू आर्सनलसंग जोडिन पाउनु गौरबको बिषय भएको बताएका छन् ।
उनको मेडिकलको प्रक्रिया आगामी मंगलबार हुनेछ ।
