वेष्टइन्डिज विरुद्धको टी–२० सिरिज भारतलाई 

प्रकाशित मिति : २०७६ श्रावण २० सोमबार
तस्वीर – एजेन्सी

काठमाडौं । वेष्ट इन्डिजविरुद्वको टी–२० सिरिज क्रिकेट भारतले जितेको छ । अमेरिकाको फ्लोरिडामा आइतबार राति भएको दोस्रो खेलमा वेष्ट इन्डिजलाई २२ रनले हराउँदै भारतले ३ खेलको सिरिज २–० ले अग्रता लिँदै जितेको हो । 

टॉस के दौरान विराट कोहली और कार्लोस ब्रैथवेट।

भारतले ८ बर्षपछि विदेशमा वेष्ट इन्डिजविरुद्व सिरिज जित्न सफल भएको हो । पछिल्लो पटक भारतले सन् २०११ मा वेष्ट इन्डिजविरुद्धको सिरिज १–० ले जितेको थियो ।

यस्तो छ दोस्रो खेल
टस जितेर पहिले ब्याटिङ गरेको भारतले ५ विकेटको नोक्सानीमा गुमाएर १ सय ६७ रन बनाएको थियो । ओपनर रोहित शर्माले ५१ बलमा ६७ रन बनाए । 

रोहितले अन्तर्राष्ट्रिय टी–२० क्रिकेटमा सबैभन्दा धेरै छक्का प्रहार गर्ने कीर्तिमान पनि कायम गरेका छन् ।

उनले वेष्ट इन्डिजकै क्रिस गेलको छक्काको कीर्तिमान भंग गरेका हुन् । ९६ खेलमा १ सय ७ छक्का हानेर उनले कीर्तिमान रचेका हुन् । गेलको १०५ छक्का छ । 

रोहित शर्मा 51 गेंद की पारी में 67 रन बनाए।

जवाफी ब्याटिङमा उत्रिएको वेष्ट इन्डिजले १५.३ ओभरमा ४ विकेटको नोक्सानीमा ९८ रनमात्रै बनाउन सक्यो । 

त्यसपछि बर्षाले खेल प्रभावित बनेपछि डकवर्थ लुइसको आधारमा भारतले खेल २२ रनले जितेको हो । 

रोभमन पोवेलले ५४ रन बनाएका थिए । भारतका कुर्नाल पाण्डेयाले सर्वाधिक २ विकेट लिए ।

क्रुणाल ने एक ही ओवर में निकोलस पूरन और रोवमन पॉवेल को आउट किया।

तीन खेलको सिरिजको अन्तिम खेल मंगलबार हुनेछ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ